Íslenskar orkurannsóknir
Jarðvísindi í þágu sjálfbærrar framtíðar
Við rannsökum jarðhita, jarðfræði og náttúruauðlindir Íslands — og miðlum þekkingu til stjórnvalda, orkufyrirtækja og almennings.
Skoða þjónustu
Verkefni
Nýleg verkefni
GSEU – jarðfræðiþjónusta fyrir Evrópu
EuroGeoSurveys
Við stefnum að því að leggja okkar af mörkum til Græna sáttmála Evrópu, Heimsmarkmiða Sameinuðu þjóðanna um sjálfbæra þróun og markmiða Horizon Europe með þróun jarðfræðiþjónustu fyrir Evrópu, sem beinist að plánetunni sjálfri: jörðinni undir fótum okkar.
Lesa meira
EPOS – innviðir fyrir jarðvárgögn
Veðurstofa Íslands
EPOS Ísland miðar að uppbyggingu rafrænna innviða á Íslandi í formi öflugra gagnaþjónusta, sem settar eru upp og þjónustaðar hjá Veðurstofu Íslands. Þjónusturnar eru beintengdar miðlægri gagnaþjónustu EPOS ERIC, sem veitir aðgengi að mikilvægum fjölþátta jarðvísindagögnum frá Íslandi og leyfir úrvinnslu og samtúlkun með alþjóðlegum jarðvísindagögnum sem þar eru.
Lesa meira
COMPASS – fóðrun og steypun djúpborhola
ON Power
Verkefnið fjallar um undirbúning að djúpborun og miðar að lausnum til að fóðringar þoli þá áraun sem verður þegar háhitaholur hitna upp. Það á meðal annars að gera með því að skoða steypingu með “foam-steypu” sem er létt og sveigjanleg steypa sem minnkar álag á fóðringuna. Þróuð verður aðferð við að hleypa af þrýstingi sem myndast milli fóðringa (ÍSOR), tæringarvörn með klöddun verður sérstaklega skoðuð og farið í tæringarprófanir á yfirborði og ofan í holu með mælivír (ÍSOR). Samþætt fóðringa-kerfi sem á að þola yfirkrítískar aðstæður (m.a. með notkun skriðtengja) verður prófað í tilraunum hjá SINTEF í Noregi sem annast líka hermun á borholum.
Lesa meira
EMODnet – evrópskt hafsbotnsgagnanet
EuroGeoSurveys
Á grundvelli reynslu fyrri áfanga mun samstarfshópurinn halda áfram að taka saman dreifð hafsbotnsgögn og gera þau aðgengileg um EMODnet-gáttina að lokinni bestun og prófunum í útboði EASME/2020/OP/0006 – [Lot 2 – Geology] Consortium GTK – Technical offer EGDI, evrópsku jarðfræðigagnaveituna (European Geological Data Infrastructure), og í kerfum verkþáttastjóra (WP). Gáttin veitir einnig aðgang að gögnum og lýsigögnum hverrar þátttökustofnunar, sem gerir notendum kleift að meta gæði gagnanna og býður þeim að búa til eigin kort eða líkön. Gögnin verða tekin saman í mælikvarða 1:100.000 eða nákvæmari samkvæmt þeim stöðlum sem þróaðir voru í fyrri EMODnet Geology verkefnum. Jafnframt heldur hópurinn áfram að bæta gögn í mælikvörðum 1:250.000 og 1:1.000.000 sem urðu til í eldri EMODnet-áföngum, enda hafa þau sérstakt gildi fyrir notkun og framsetningu á svæðis- til samevrópskum skala. Smærri mælikvarðarnir eru fróðlegir en þó brotakenndari.
Lesa meira
Segulmælingar með dróna
Jarðvísindastofnun HÍ
Búnaður samanstendur af segulmæli og dróna. Segulmælirinn er af gerðinni MagArrow frá Geometrics og er sérstaklega gerður fyrir mælingar með dróna, en er jafnframt hægt að nota til mælinga úr þyrlu eða flugvél. Dróninn er af gerðinni DJI Matrice 600 Pro. Búnaðinum er ætlað að bæta við þá getu sem þegar er fyrir hendi í jarðeðlisfræðilegri könnun á Íslandi en búnaðurinn til þeirra mælingar er einkum hjá ÍSOR og HÍ. Samvinna er um tækjauppbyggingu og þessi búnaður er hluti hennar.
Lesa meira
NASPMON – náttúruleg skjálftavirkni við jarðhitaleit
Czech Academy of Sciences
NASPMON er fjögurra ára samstarfsverkefni Íslendinga og Tékka; nánar tiltekið ÍSOR og tveggja deilda innan Tékknesku vísindaakademíunnar (CAS) auk Raunvísindadeildar Charles háskólans í Prag. NASPMON verkefnið byggir á áratuga óformlegu samstarfi ÍSOR og CAS, en Akademían hefur rekið 15 skjálftamæla á Reykjanesskaga í samvinnu við ÍSOR frá árinu 2013.
Lesa meiraRannsóknasvið
Sérþekking sem nær frá yfirborði niður á dýpi
Frá jarðhitaforða og bortækni til náttúruvár og umhverfisrannsókna.
Borholumælingar
Prófanir og mat á afköstum borholna útheimta ýmiskonar mælingar til að afla upplýsinga um einkenni borholna og afkastagetu þeirra og jafnframt um einkenni og eiginleika hvers jarðhitakerfis. Þetta á einnig við um örvun borholna sem miðar að því að auka afköst nýrra jafnt sem eldri vinnsluholna. Borholuprófanir eru lykilatriði við borun rannsóknarholna, vinnsluholna, viðhald borholna og skráningu upplýsinga um hvert jarðhitasvæði.
Lesa meira
Mat á jarðhitaforða
ÍSOR býr yfir áratugareynslu í að meta orkuforða jarðhitasvæða bæði við lág- og háhitakerfi á Íslandi sem og erlendis. Mat á stærð jarðhitakerfis felst í könnunum og rannsóknum til að ákvarða eðliseiginleika og orkuvinnslugetu viðkomandi jarðhitakerfis. Matið byggist á fyrirliggjandi gögnum á hverjum tíma, eða á hvaða stigi nýting kerfisins er. Gögn sem stuðst er við geta verið frá yfirborðsrannsóknum og rannsóknar- og vinnsluborunum auk vinnslugagna.
Lesa meira
Efnagreiningar
Sýnataka og efnagreiningar á vatni, gasi og jarðefnum eru meginsvið jarðefnaþjónustu ÍSOR. Við leggjum metnað í að tryggja viðskiptavinum örugga og faglega þjónustu og vinnum eftir alþjóðlegum stöðlum. Hjá ÍSOR starfar hópur efna-, jarðefna- og jarðfræðinga sem byggt hefur upp sérfræðiþekkingu í sýnatöku og efnagreiningum, einkum fyrir jarðhitaiðnaðinn á Íslandi.
Lesa meira
Jarðfræðikortlagning
ÍSOR sérhæfir sig í gerð ýmiskonar jarðfræðikorta, bæði af landi og hafsbotni. Í áratugi hafa sérfræðingar ÍSOR og forverar þess unnið að því að kortleggja jarðfræði Íslands og koma upplýsingunum fyrir á mismunandi gerðum af kortum.
Lesa meira
Vinnslueftirlit hitaveitna
ÍSOR býr yfir áratugareynslu í að meta orkuforða jarðhitasvæða bæði við lág- og háhitakerfi á Íslandi sem og erlendis. Mat á stærð jarðhitakerfis felst í könnunum og rannsóknum til að ákvarða eðliseiginleika og orkuvinnslugetu viðkomandi jarðhitakerfis. Matið byggist á fyrirliggjandi gögnum á hverjum tíma, eða á hvaða stigi nýting kerfisins er. Gögn sem stuðst er við geta verið frá yfirborðsrannsóknum og rannsóknar- og vinnsluborunum auk vinnslugagna.
Lesa meira
Grunnvatnsrannsóknir
Vatnsvernd og sjálfbær nýting vatnsauðlindarinnar er krafa nútímans. ÍSOR býr yfir sérþekkingu á þessu sviði. ÍSOR hefur veitt ráðgjöf um grunnvatn og grunnvatnsrannsóknir fyrir vatnsveitur, fiskeldisstöðvar og fyrirtæki sem framleiða flöskuvatn.
Lesa meiraVefsjár
Skoðaðu vefsjár ÍSOR
Gagnvirk kort af jarðfræði Íslands, jarðhitaauðlindum og hafsbotni.
Fréttabréf
Fylgstu með rannsóknum okkar
Fáðu helstu fréttir, útgáfur og viðburði beint í pósthólfið.