Opinn fundur þann 5 nóvember á vegum GRÓ þekkingarmiðstöðvar um þróunarsamvinnu, Jarðhitaskólans og utanríkisráðuneytisins í samvinnu við Alþjóðamálastofnun Háskóla Íslands.

Á þessum opna fundi munu nemendur Jarðhitaskólans miðla reynslu sinni og sýn á jarðhitafræðslu og jarðhitanýtingu til sjálfbærrar þróunar í orkumálum.

Þann 5. nóvember verður haldinn opinn fundur á vegum GRÓ þekkingarmiðstöðvar um þróunarsamvinnu, Jarðhitaskólans og utanríkisráðuneytisins í samvinnu við Alþjóðamálastofnun Háskóla Íslands.

Þetta er fyrsti fundur í fundaröðinni og mun hann varpa ljósi á framlag Íslands til styrkingar á hæfni og getu í þróunarlöndum gegnum GRÓ skólana fjóra sem starfræktir eru á vegum GRÓ – Þekkingarmiðstöð þróunarsamvinnu.

GRÓ er lykilstofnun í þróunarsamvinnu Íslands en á þessum fyrsta fundi verður sjónum beint að hlutverki Jarðhitaskólans (GRÓ GTP) sem stofnaður var árið 1978 og hefur það að markmiði að efla jarðhitaleit og nýtingu jarðhita í samstarfslöndum.

Hvernig skilar jarðhitafræðsla sér í sjálfbærri þróun í orkumálum í samstarfslöndum?

Hvernig hafa nemendur Jarðhitaskólans nýtt reynslu sína og þjálfun til að leiða breytingar og stuðla að nýtingu jarðhita í heimalöndum sínum?

Á þessum opna fundi munu nemendur Jarðhitaskólans miðla reynslu sinni og sýn á jarðhitafræðslu og jarðhitanýtingu til sjálfbærrar þróunar í orkumálum.

Fundurinn verður haldinn 5. nóvember kl. 12.00-13.15 í Hátíðarsalnum í Aðalbyggingu Háskóla Íslands.

Viðburðurinn fer fram á ensku og er opin öllum en skráning fer fram hér: https://forms.office.com/e/rEE2znrSZt

Meðal fundargesta verða Silja Bára Ómarsdóttir, rektor Háskóla Íslands, Þorgerður Katrín Gunnarsdóttir, utanríkisráðherra Íslands og Peter Maina, PhD fellow frá Kenía.

Bjarni Richter forstöðumaður Jarðhitaskóla GRÓ mun stýra pallborðsumræðum.

GRÓ GTP topic of the first event in a series on the development impact of the GRÓ Training Programmes